വി.എസ്സിനായി കാത്തിരിക്കുന്നവരോട് ഹൃദയപൂര്വ്വം...
വി.എസ്സിനായി കാത്തിരിക്കുന്നവരോട് ഹൃദയപൂര്വ്വം... പുന്നപ്ര വയലാര് സമര നായകന് സാക്ഷാല് വി.എസ്. അച്ചുതാനന്ദന് പാര്ട്ടിയുടെ വേലിക്കകത്തു നിന്ന് പുറത്തു ചാടുന്നതും കാത്ത് നോമ്പെടുത്തിരുന്നവര് ഏറെയുണ്ട് ഈ കൊച്ചു കേരളത്തില്. ലക്ഷം ലക്ഷം പിന്നാലെയുളള വി.എസ് സി.പി.എം വിട്ട് ഇറങ്ങിവന്നാല് ഇരു കയ്യും നീട്ടി സ്വീകരിക്കാന് കാത്തിരുന്നവര് കമ്മ്യൂണിസം മനസ്സില് നിന്നും ചോര്ന്നുപോകാത്ത പഴയ സഖാക്കള് തന്നെയായിരുന്നു. പേരിനു തങ്ങളുണ്ടാക്കിവെച്ച പ്രസ്ഥാനങ്ങള്ക്ക് വി.എസ്സിന്റെ വരവോടെ ആളും, അര്ത്ഥവും കുമിഞ്ഞു കൂടുമെന്നായിരുന്നു ഇവരുടെ ആശ. വി.എസ് പാര്ട്ടി നേതൃത്വത്തിനെതിരെ ഓരോ വെടി പൊട്ടിക്കുമ്പോഴും ഇവരുടെ മനസ്സില് ഡസന് കണക്കിന് ലഡുകളാണ് പൊട്ടിയത്. ടി.പി ചന്ദ്രശേഖരന് വധവുമായി ബന്ധപ്പെട്ട് വി.എസ് നേതൃത്വത്തിനെതിരെ പരസ്യ പോരിനിറങ്ങിയപ്പോള് കാത്തിരിപ്പിന്റെ സായൂജ്യം അവര് മണത്തറിഞ്ഞ് തുടങ്ങി. പാര്ട്ടി സെക്രട്ടറിയെ ഡാങ്കേയോട് ഉപമിക്കുകയും കേന്ദ്ര നേതൃത്വത്തിന് തുടര്ച്ചയായി കത്തുകള് അയക്കുകയും ചെയ്തതോടെ പാര്ട്ടി വിട്ട് പുറത്ത് വരുന്ന വി.എസ്സിന് തങ്ങളുടെ ആപ്പീസുകളില് തിരിയുന്ന ചാരുകസ