മിണ്ടിപ്പോകരുത്; സാംസ്‌കാരിക കേരളമെന്ന്

മതം വിമോചന പ്രസ്ഥാനമാണ് സഖാവേ...........

മാര്‍ക്സിസ്റ് പാര്‍ട്ടിയുടെ സംസ്ഥാന സമ്മേളനം അടുത്തെത്തുമ്പോള്‍ വി.എസ്, പിണറായി പോരെന്ന പൊതുവിഭവത്തിന് വിഭിന്നമായി അനുബന്ധ പരിപാടികളില്‍ നിറഞ്ഞു നില്‍ക്കുന്നത് യേശു ക്രിസ്തുവാണ്. വാര്‍ത്തകളായി ചാനലുകളുടെ ഹെഡ് ലൈനുകളിലും, പത്രങ്ങളുടെ ഒന്നാം പുറങ്ങളിലും യേശു ക്രിസ്തുവിനെ മഹത്വ വത്കരിച്ചുകൊണ്ടുളള സി.പി.എം നേതാക്കളുടെ കുമ്പസാരങ്ങളാണ് കഴിഞ്ഞ കുറച്ചു ദിവസമായി മലയാളിയുടെ തീന്‍ മേശക്ക് മുന്നലെത്തികൊണ്ടിരിക്കുന്നത്. യേശു ക്രിസ്തു ഏറ്റവും മഹാനായ വിമോചകനാണെന്നാണ് സി.പി.എം സംസ്ഥാന സെക്രട്ടറിയുടെ കണിശമായ കണ്ടെത്തല്‍. പലിശക്കാര്‍ക്കും അധാര്‍മ്മിക വാണിഭക്കാര്‍ക്കുമെതിരെ ചാട്ടവാര്‍ ഉയര്‍ത്തുകയും സാമൂഹിക തി•കള്‍ക്കെതിരെ പ്രവര്‍ത്തിച്ചതിന് ക്രൂരമര്‍ദ്ദനം ഏല്‍ക്കേണ്ടി വരികയും ചെയ്തുവെന്നതാണ് യേശു ക്രിസ്തുവിനെ എറ്റവും മഹാനായ വിമോചകനായി അവതരിപ്പിക്കാന്‍ സംസ്ഥാന സെക്രട്ടറി ഉള്‍പ്പെടെയുളളവരെ പ്രേരിപ്പിച്ചത്.

യേശു ക്രിസ്തു മഹാനായ വിമോചകനാണെന്നതില്‍ ഒരു തര്‍ക്കവുമില്ല. പൌരോഹിത്യത്തിന്റെ ചങ്ങലകെട്ടുകളില്‍ ബന്ധനസ്ഥരാക്കപ്പെട്ട മനുഷ്യസമൂഹത്തെ സ്വതന്ത്യ്രത്തിന്റെയും ന•യുടെയും വഴിയെ നടത്താന്‍ നിയോഗിക്കപ്പെട്ട മഹാനായ മനുഷ്യപുത്രനായിരുന്നു യേശുക്രിസ്തു. പറയാനുളള കാര്യങ്ങളെ കുറിച്ച് കൃത്യമായി പഠിച്ചും, ഇഴകീറിയുളള വിശകലനങ്ങള്‍ക്ക് ശേഷവും മാത്രമേ സി.പി.എമ്മിന്റെ സംസ്ഥാന സെക്രട്ടറി പരസ്യ പ്രതികരണങ്ങള്‍ക്ക് മുതിരുകയുളളൂവെന്നതാണ് അറിഞ്ഞിടത്തോളമുളള സംഗതി. അങ്ങിനെയെങ്കില്‍ യേശു ക്രിസ്തു മഹാനായ വിമോചകനാണെന്ന നിലപാടിലേക്കെത്താന്‍ എ.കെ.ജി സെന്ററിലെ ഗവേഷണ വിഭാഗം കൃത്യമായ പഠനം നടത്തുക തന്നെ ചെയ്തിട്ടുണ്ടാവും. യേശു ക്രിസ്തുവിനെ കുറിച്ച് വ്യക്തതയോടെ വിവരിക്കുന്ന രണ്ട് ഗ്രന്ഥങ്ങള്‍ ബൈബിളും, വിശുദ്ധ ഖുര്‍ആനും മാത്രമാണെന്നതുകൊണ്ടുതന്നെ അവ രണ്ടും വ്യക്തമായ വിശകലനങ്ങള്‍ക്ക് വിധേയമാക്കപ്പെട്ടിട്ടുണ്ടാകും എന്നുതന്നെ വേണം കരുതാന്‍. മുന്‍ധാരണയോടെ അല്ലാത്ത നിക്ഷ്പക്ഷമായ വിശകലനമായിരുന്നു യേശു ക്രിസ്തുവിനെ കുറിച്ച് നടന്നതെങ്കില്‍ ഏറ്റവും വലിയ വിമോചകനെന്ന പട്ടം ചാര്‍ത്തി നല്‍കാന്‍ സി.പി.എം തെരെഞ്ഞെടുക്കേണ്ടിയിരുന്ന വിഷയം പലിശയോ, അധാര്‍മ്മിക വാണിഭമോ ആയിരുന്നില്ല. ലോകത്ത് ഏറ്റവും കൂടുതല്‍ ചൂഷണത്തിന് വിധേയമാക്കപ്പെടുന്ന ദൈവ വിശ്വസവുമായി ബന്ധപ്പെട്ട കാര്യത്തില്‍ യേശു ക്രിസ്തു പറഞ്ഞതും, പഠിപ്പിക്കപ്പെട്ടതുമായ കാര്യങ്ങളായിരുന്നു തെരെഞ്ഞെടുക്കപ്പെടേണ്ടിയിരുന്നത്. ബൈബിളും, വിശുദ്ധ ഖുര്‍ആനും യേശു ക്രിസ്തുവെന്ന ഈസ നബിയുടെ അധ്യാപനങ്ങള്‍ കൃത്യമായി വരച്ചുകാണിക്കുന്നുണ്ട്. യോശു ക്രിസ്തു ഇസ്രയേല്‍ സന്തതികളെ പഠിപ്പിക്കപ്പെട്ട പത്ത് കല്‍പ്പനകളില്‍ ഒന്നാമത്തേതാണ് ലോകത്തിന്റെ വിമോചനത്തിനായി സമൂഹത്തിന് മുന്നില്‍ വെച്ചത്. എന്റെയും നിങ്ങളുടെയും കര്‍ത്താവായ ഏകനായ ദൈവത്തെ മാത്രം ആരാധിക്കുകയും അവനെ പൂര്‍ണ്ണമനസ്സോടെ ഉല്‍കൊളളുകയും ചെയ്യുകയെന്നതായിരുന്നു മനുഷ്യ ലോകത്തിന്റെ വിമോചന സമവാക്യമായി യേശു ക്രിസ്തു പ്രഥമമായി പ്രഖ്യാപിക്കപ്പെട്ടത്. അതിനുവേണ്ടിയായിരുന്നു അദ്ദേഹം നിലകൊണ്ടത്. ഈ ആശയം പ്രചരിപ്പിച്ചതിന്റെ പേരിലായിരുന്നു മര്‍ദ്ദനങ്ങള്‍ ഏറ്റുവാങ്ങേണ്ടി വന്നത്. ഒടുവില്‍ കുരിശ്ശിലേറ്റപ്പെടുമെന്ന ഘട്ടമെത്തിയപ്പോള്‍ തനിക്ക് ശേഷം വരാനിരിക്കുന്ന പ്രവാചകനെ കുറിച്ചുളള മുന്നറിയിപ്പും അദ്ദേഹം നല്‍കുന്നുണ്ട്. ബൈബിളും വിശുദ്ധ ഖുര്‍ആനും ഇത് വ്യക്തമാക്കുന്നു.
യേശു വിമോചകനാകുന്നത് ദൈവത്തിന്റെ പ്രവാചകന്‍ എന്ന നിലയിലാണ്. വിമോചകനായ യേശു ക്രിസ്തുവിനെ അംഗീകരിക്കുമ്പോള്‍ അദ്ദേഹത്തിന്റെ ജനനം മുതലുളള കാര്യങ്ങളും പ്രബോധന രംഗത്തെ സകല വിഷയങ്ങളും ഉള്‍കൊളളണമെന്നത് നീതിയുടെ പക്ഷമാണ്. കന്യകയായ മറിയം ഗര്‍ഭം ധരിച്ച് പിറവികൊണ്ട യേശു ദൈവത്തിന്റെ ദൃഷ്ടാന്തമായിരുന്നു. താന്‍ ദൈവത്തില്‍ നിന്നുളളവനാണെന്ന് സമൂഹത്തെ ബോധ്യപ്പെടുത്താന്‍ കാണിച്ച അത്ഭുത പ്രവര്‍ത്തികള്‍ അമാനുഷികവും ദൈവിക സഹായത്തോടെയുളളതുമായിരുന്നുവെന്ന് യേശു ക്രിസ്തു തന്നെ അംഗീകരിക്കുന്നു. ലോകത്തിന്റെ വിമോചനത്തിനായി യേശു പഠിപ്പിക്കപ്പെട്ട കല്‍പ്പനകള്‍ സി.പി.എമ്മിന് അംഗീകരിക്കാന്‍ കഴിയുന്നതെങ്കില്‍ കാലമല്ലാതെ മറ്റെന്തും മാറ്റത്തിന് വിധേയമാണെന്നത് പൂര്‍ണ്ണ അര്‍ത്ഥത്തില്‍ അംഗീകരിക്കപ്പെട്ടുവെന്ന് കരുതാം.
യേശുവും, കൃഷ്ണനും ജീവിച്ചിരുന്നില്ലെന്നതും അവര്‍ സങ്കല്‍പ്പങ്ങള്‍ മാത്രമായിരുന്നുവെന്നതുമായ പഴയ കണ്ടത്തെലുകള്‍ കാലത്തോടൊപ്പം ഒലിച്ചുപോയെന്ന് നമ്മുക്ക് വിശ്വസിക്കാം. യേശുവിനെ വിമോചകനായി കാണാന്‍ തീരുമാനിച്ച സി.പി.എം യേശു ക്രിസ്തു പ്രതിനിധാനം ചെയ്ത ആദര്‍ശത്തെ വിമോചന പ്രസ്ഥാനമായി കാണാന്‍ ആര്‍ജ്ജവം കാണിക്കുമോ എന്നറിയില്ല. യേശുവിന്റെ പേരില്‍ പൌരോഹിത്യം കെട്ടിയുണ്ടാക്കിയ മത തത്വങ്ങളോട് യുദ്ധം പ്രഖ്യാപിച്ചവരായിരുന്നു കമ്മ്യൂണിസ്റ് പാര്‍ട്ടിയുടെ താത്വിക ആചാര്യ•ാര്‍ എന്നതു കെണ്ടുതന്നെ ക്രിസ്തു മതവുമായി പരസ്യമായി സമ രസപ്പെടാന്‍ കേരളത്തിലെ സി.പി.എമ്മുകാര്‍ പോലും ധൈര്യപ്പെടില്ല.

മതം മനുഷ്നെ മയക്കുന്ന കറുപ്പാണെന്ന നിലയില്‍ നിന്ന് മതം സ്ഥാപിക്കാന്‍ വന്ന പ്രവാചകന്‍ വിമോചന നായകനാണെന്ന കണ്ടെത്തലിലേക്കുളള മാറ്റം ശുഭ സൂചകമാണ്. യോശു ക്രിസ്തു മുന്നോട്ടുവെച്ച സാമൂഹിക പരിവര്‍ത്തനത്തിന്റെ പൂര്‍ത്തീകരണവുമായി കടന്നുവന്ന പ്രവാചകനാണ് മുഹമ്മദ് നബിയെന്ന് വിശുദ്ധ ഖുര്‍ആന്‍ പ്രഖ്യാപിക്കുന്നു. ബൈബിളില്‍ ഇക്കാര്യം പരോക്ഷമായി സൂചിപ്പിക്കുന്നുമുണ്ട്്. മതത്തിന്റെ പൂര്‍ത്തീകരണമായിരുന്നു മുഹമ്മദ് നബി സാധ്യമാക്കിയത്. മുഹമ്മദ് നബിയുടെ കാരുണ്യവും മനുഷ്യസ്നേഹവും കമ്മ്യൂണിസ്റുകാര്‍ അംഗീകരിക്കുന്നുവെന്ന് ഇതിനോടകം തന്നെ സി.പി.എം നേതൃത്വം വ്യക്തമാക്കിയിട്ടുണ്ട്. യേശു ക്രിസ്തുവും മുഹമ്മദ് നബിയും വിമോചക നായകരാവുന്നത് ദൈവിക മതത്തിന്റെ സംസ്ഥാപനത്തിന് നിയോഗിക്കപ്പെട്ട പ്രവാചകന്‍മാര്‍ എന്ന നിലക്കാണ്. യേശു ക്രിസ്തു കാണിച്ചുതന്ന മനുഷ്യ വിമോചനത്തിന്റെ വഴി പൂര്‍ത്തീകരണത്തിലെത്തിക്കുകയാണ് മുഹമ്മദ് നബി ചെയ്തത്. മനുഷ്യര്‍ക്കിടയിലെ ഉചനീചത്തങ്ങളെ തല്ലിതകര്‍ത്തുകൊണ്ട് ഒരു മാതാവിന്റെയും പിതാവിന്റെയും മക്കളാണ് മനുഷ്യരെന്ന ഉദാത്തമായ സങ്കല്‍പ്പമാണ് അന്തിമ പ്രവാചകനായ മുഹമ്മദ് നബി ഒന്നാമതായി ലോകതത്തിന്  മുന്നില്‍ വെച്ചത്. വെളുത്തവന് കറുത്തവനേക്കാളോ, അറബിക്ക് അനര്‍ബിയേക്കാളോ യാതൊരു ശ്രേഷ്ഠതയുമില്ലെന്ന് മുഹമ്മദ് നബി ലോകത്തോട് വിളിച്ചുപറഞ്ഞു. മനുഷ്യന്റെ ശ്രേഷ്ഠത ദൈവത്തോടുളള അടുപ്പത്തിന്റെ അടിസ്ഥാനത്തിലാണെന്നും അദ്ദേഹം വ്യക്തമാക്കി. കമ്മ്യൂണിസ്റുകാരന്റെ ഭാഷയില്‍ പറഞ്ഞാല്‍ സോഷ്യലിസത്തിന്റെ വിളംഭരമായിരുന്നു അത്.
വിശ്വാസ രംഗത്തെ ചൂഷണങ്ങളെ മുഴുവന്‍ അറുത്ത് മാറ്റി ഏകദൈവ ആരാധനയിലെ സുന്ദരമുഖം ലോകത്തിന് മുന്നില്‍ തുറന്നുവെക്കുകയാണ് മുഹമ്മദ് നബി തന്റെ ജീവിതത്തിലുടനീളം ചെയ്തത്. പ്രപഞ്ച സൃഷ്ടാവും പരിപാലകനുമായ ഏകദൈവത്തെ ആരാധിക്കുന്നതിലൂടെ മനുഷ്യസമൂഹത്തെ മുഴുവന്‍ ഓരേ ചരടില്‍ കോര്‍ത്തെടുത്ത മുത്തുകളെ പോലെ ഏകോപിപ്പിക്കാമെന്ന സാര്‍വ്വ ലോക സാഹോദര്യത്തിന്റെ വിശാലകാഴ്ച്ചപ്പാട് അദ്ദേഹം തുറന്നുവെച്ചു. അന്യദേശത്തു നിന്നുവന്ന ക്രിസ്തിയ പുരോഹിതന്‍മാര്‍ക്ക് തന്റെ പളളിയില്‍ പ്രാര്‍ത്ഥനക്ക് സൌകര്യം ചെയ്തുകൊടുത്ത മുഹമ്മദ് നബി അന്യമതസ്ഥരോട് സ്വീകരിക്കേണ്ട വിശാലതയുടെയും സഹിഷ്ണതയുടെയും വഴികള്‍ ലോകാവസാനം വരെയുളള ജനതയ്ക്കുമുന്നില്‍ വിശുദ്ധ ഖുര്‍ആനിലൂടെ വരച്ചുകാണിച്ചു. മാനവ മൈത്രിയുടെയും, മതസൌഹാര്‍ദ്ധത്തിന്റെയും നേര്‍കാഴ്ച്ചയാണ് ഈ വചനങ്ങള്‍.
സകല ലഹരി പദാര്‍ത്ഥങ്ങളും, പലിശയും, വ്യഭിചാരവും നിഷിദ്ധമാക്കിയ ഈ പ്രവാചകന്‍ മനുഷ്യന്റെ സമ്പത്തിനും, രക്തത്തിനും പവിത്രത പ്രഖ്യാപിക്കുക കൂടി ചെയ്തു. സ്ത്രീകളുടെ കാര്യത്തില്‍ പുരുഷന്‍മാര്‍ക്ക് കടമയും ഉത്തരവാദിത്വവുമുണ്ടെന്നും, അവരെ അപമാനിക്കുന്നത് നീചമാണെന്നും പ്രഖ്യാപിക്കുകവഴി സ്ത്രീയുടെ അവകാശ സംരക്ഷകനായി മാറുകയായിരുന്നു അദ്ദേഹം. സ്ത്രീകള്‍ക്ക് അനന്തരാവകാശ സ്വത്തില്‍ അവകാശമുണ്ടെന്ന് ദൈവിക വചനത്തിന്റെ അടിസ്ഥാനത്തില്‍ ലോകത്തോട് വിളിച്ചുപറയുക വഴി സ്ത്രീയുടെ അസ്ഥിത്വത്തിന് ബലം നല്‍കി. തൊഴിലെടുക്കുന്നവന്റെ വിയര്‍പ്പ് വറ്റുന്നതിന് മുമ്പ് കൂലി നല്‍കണമെന്ന് പതിനാല് നൂറ്റാണ്ട് മുമ്പ് ലോകത്തിന്റെ ശ്രദ്ധയില്‍ കൊണ്ടുവന്നതിലൂടെ തൊഴിലാളി വിമോചനത്തിന്റെ കരുത്തറ്റ ശബ്ദവും മുഹമ്മദ് നബിയിലൂടെ പ്രകടമായി. മനുഷ്യാവകാശത്തിന്റെയും മനുഷ്യ വിമോചനത്തിന്റെയും മാര്‍ഗ്ഗം തുറന്നുവെക്കാന്‍ ദൈവം നിയോഗിച്ച അന്തിമ പ്രവാചകനാണ് താനെന്നായിരുന്നു മുഹമ്മദ് നബി സ്വയം പരിചയപ്പെടുത്തിയത്.
യേശു ക്രിസ്തു വിമോചകനും, മുഹമ്മദ് നബി മനുഷ്യ സ്നേഹിയുമാകുന്നത് ദൈവികമതത്തിന്റെ സംസ്ഥാപനത്തിനായി തെരെഞ്ഞെടുക്കപ്പെട്ട പ്രവാചകന്‍മാര്‍ എന്ന നിലക്കാണ്. ഏകദൈവ ആരാധനയില്‍ ഊന്നികൊണ്ടുളള വിമോചന പ്രവര്‍ത്തനങ്ങളായിരുന്നു ഇരുകൂട്ടരും ലോകത്തിനു മുന്നില്‍ സമര്‍പ്പിക്കപ്പെട്ടതെങ്കില്‍ മതം വിമോചന പ്രസ്ഥാനമാണ്. മതത്തില്‍ വിമോചനത്തിന്റെ വഴി കാണാനായില്ലെങ്കില്‍ മതത്തിന്റെ നീരസം പ്രഖ്യാപിക്കുന്നതിനെ തെറ്റ് പറയാനാകില്ല. മതവിശ്വസത്തെ ചൂഷണം ചെയ്ത് തടിച്ചുവീര്‍ത്ത കേന്ദ്രങ്ങളില്‍ വോട്ട് ബാങ്ക് രാഷ്ട്രീയത്തിന്റെ പേരില്‍ കയറിയിറങ്ങിയാല്‍ മതത്തിലെ വിമോചനത്തിന്റെ വഴി കണ്ടെത്താനുമാകില്ല.

സി.പി.എം നേതാക്കളുടെ വായില്‍ നിന്ന് യേശു ക്രിസ്തുവിന്റെ പേര് ഒന്നിടവിട്ട് മൂന്ന് നേരം പുറത്ത് ചാടികൊണ്ടിരിക്കുന്നത് പിറവത്ത് ചുവന്ന കുഞ്ഞ് പിറവിയെടുക്കാനാണെന്ന് അറിയാത്തതു കൊണ്ടല്ല ഇത്രയും പറഞ്ഞത്. വൈരുദ്ധ്യാധിഷ്ടിത ഭൌതികവാദം വിമോചനം സാധ്യമാക്കില്ലെന്ന് തിരിച്ചറിയാന്‍ പിറവത്തെ തെരെഞ്ഞെടുപ്പിന്റെ ഭാഗമായുണ്ടായ യേശുക്രിസ്തുവിനോടുളള മുഹബ്ബത്ത് സാധ്യമാകുമെങ്കില്‍ ഇരിക്കട്ടെ വെറുതെയൊരു ഉപദേശം എന്ന നിലക്കാണ് ഇത്രയും പറഞ്ഞത്. എന്തായാലും കമ്മ്യൂണിസ്റ് മാര്‍ക്സിസ്റ് പാര്‍ട്ടിയുടെ നേതാക്കള്‍ യേശു ക്രിസ്തുവിനെ മഹത്വ വത്കരിക്കപ്പെട്ട് കഴിഞ്ഞിരിക്കുന്നു. ഉപതെരെഞ്ഞെടുപ്പ് മധ്യകേരളത്തിലായതിനാലാണ് ഇങ്ങനെ. ഇനി എന്നെങ്കിലും വടക്കോട്ട് ഉപതെരെഞ്ഞെടുപ്പ് സാധ്യമായാല്‍ മുഹമ്മദ് നബിയും, തെക്കാണെങ്കില്‍ ശ്രീകൃഷ്ണനും, ശ്രീരാമനും വിമോചനത്തിന്റെ അരിവാള്‍ ഏന്തുമെന്ന് കരുതാം.